ԱՄՆ առաջին տիկինը Սպիտակ տանն ընդունել է Կիևի և Մոսկվայի ներկայացուցիչներին: Կողմերը քննարկել են օրերս Խերսոնի մարզի օկուպացված Օլեշկի քաղաքում Մելանյա Թրամփի միջնորդությամբ հաստատված ժամանակավոր հումանիտար հրադադարը, որի արդյունքում հարյուրավոր բնակիչներ են տարհանվել Ուկրաինա և Ռուսաստան:
Ռուսական կողմը ներկայացրել են նախագահի ներկայացուցիչ Կիրիլ Դմիտրիևը և մարդու իրավունքների հարցերով ներկայացուցիչ Յանա Լանտրատովան, ուկրաինական կողմը՝ իշխող խմբակցության ղեկավար Դավիդ Արախամիան և մարդու իրավունքների հարցերով ներկայացուցիչ Դմիտրո Լուբինեցը: Լանտրատովան և Լուբինեցն անձամբ մասնակցել էին Օլեշկիում հումանիտար գործողություններին:
Մելանյա Թրամփն իր ելույթում նշել է, որ Օլեշկիի հրադադարն անհնար կլիներ առանց Պուտինի և Զելենսկու ներգրավվածության:
«Այս գործակցությունը կարևոր նախադեպ է ստեղծում խաղաղության գործընթացն առաջ մղելու հարցում»,- շեշտել է առաջին տիկինը:
Կիրիլ Դմիտրիևը հայտարարել է, որ Վլադիմիր Պուտինը բարձր է գնահատում ռուս-ուկրաինական կարգավորման ուղղությամբ Դոնալդ Թրամփի խաղաղարար ջանքերը և Մելանյա Թրամփի հումանիտար նախաձեռնությունները:
Կիևի ներկայացուցիչն էլ ԱՄՆ առաջին տիկնոջն է փոխանցել Արքայադուստր Օլգայի առաջին աստիճանի շքանշանը, որով Զելենսկին պարգևատրել է Մելանյա Թրամփին:
Մոսկվայի ներկայացուցչին ընդունել է նաև ԱՄՆ նախագահը: Նա չի բացահայտել Դմիտրիևի հետ զրույցի բովանդակությունը, սակայն նշել է, որ մշակվում է «մեծ համաձայնագիր», որը կվերաբերի ոչ միայն Ուկրաինային, այլև, հնարավոր է, ամբողջ Եվրոպայի անվտանգությանը։ Ուկրաինական պատվիրակության հետ Թրամփը չի հանդիպել:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Եվրահանձնաժողովն իր աջակցությունն է հայտնել Լեհաստանի վարչապետին
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ