Mitsubishi-ն Yamaha աուդիոհամակարգով նոր քրոսովեր է պատրաստում

Mitsubishi-ն պատրաստում է նոր քրոսովեր՝ մոդելը կդառնա Mitsubishi XFC Concept կոնցեպտ մեքենայի սերիական մարմնավորումը, հայտնում է Коммерсантъ-ը։

Նորույթն իր չափսերով և մոդելային շարքում դիրքավորմամբ մոտ կլինի Mitsubishi ASX-ին։ Քրոսովերի հիմնական շուկան կլինի Ասիա-խաղաղօվկիանոսյան տարածաշրջանը, իսկ մոդելի պրեմիերան կկայանա օգոստոսի 10-ին Ինդոնեզիայի ավտոսրահում։

Նոր արտադրանքի մասին պաշտոնական տեղեկություն չկա, սակայն նշվում է, որ քրոսովերի սարքավորումը ներառելու է տեխնոլոգիապես կատարելագործված Yamaha աուդիո համակարգ։ Ավտոմեքենայի ակուստիկայի վերաբերյալ աշխատանքներին, ըստ Mitsubishi-ի, կմասնակցեն մասնագետներ, ովքեր ստեղծում են պրոֆեսիոնալ ձայնային սարքավորումներ և երաժշտական ​​գործիքներ։

Mitsubishi XFC Concept մեքենայի պրեմիերան կայացել է 2022 թվականի աշնանը։