Ովքե՞ր են «սալյուտ» խփողները եւ քանիսն են նրանք

Առանց չափազանցության, կեսգիշերին առնվազն ժամուկես անդադար «սալյուտ» խփող հայաստանցիներն արժանացել են բոլոր բանական մարդկանց պարսավանքին:

Իսկապես, դժվար է հասկանալ, թե ի՞նչն է դրդում հայ մարդուն հրավառություն անել, երբ հարեւան շենքում, տանն ապրող երիտասարդը զոհվել է ընդամենը երկու տարի առաջ, երբ ընդամենը երեք ամիս առաջ երկու հարյուրից ավելի տղերք են զոհվել, երբ նրանցից երկուսի մարմինը դեռ հանձնված չէ հողին, երբ ունենք գերիներ ու շրջափակված Արցախ:

Իրականում «սալյուտ» խփողները քիչ են, շատ քիչ: Բայց նրանց դատարկության աղմուկը շատ բարձր է լսվում եւ տպավորություն է առաջանում, որ ազգն է այդպիսին: Ոչ, հիշեք, նրանք շատ քիչ են, պարզապես ստանում են գործող վարչախմբի աջակցությունը:

Լիներ արժանապատիվ մարդկանց կառավարություն, ապա որեւէ մեկը չէր հանդգնի իր ուղեղի դատարկությունն այսքան մեծ աղմուկով արտահայտել:

Կասեք, որ շատ անգամ հրավառություն անում են, պայթուցիկները գմփացնում են դեռահասները: Այո, ճիշտ եք, բայց մի մոռացեք, որ նրանք ունեն ծնողներ:

Top-News.am