Սաուդյան Արաբիայում ազատ են արձակել մինի կիսաշրջազգեստով կնոջը՝ առանց մեղադրանք առաջադրելու
Սաուդյան Արաբիայի իշխանությունները հայտնել են, որ կինը, որին ձերբակալել էին մինի- կիսաշրջազգեստ հանգնելու համար, ազատ է արձակվել առանց մեղադրանքի առաջադրման։
Նախօրեին ոստիկանությունը ձերբակալել էր այն կնոջը, որը թագավորությունում բուռն քննարկումներ էր առաջացրել սոցցանցերում տեսահոլովակի հրապարակումից հետո, որտեղ նա զբոսնում է պատմական ամրոցում մինի կիսաշրջազգեստով ու կրոպ տոպով։
Նրան ձերբակալել էին «անհամեստ հագուստի» համար։ Միջազգային հաղորդակցությունների կենտրոնի հրապարակած հայտարարության մեջ ասվում է, որ ոստիկանությունը ազատ է արձակել կնոջը։ Նա ազատ է արձակվել նախօրեին ուշ երեկոյան մի քանի ժամ հարցաքննությունից հետո։ Կինը քննիչներին ասել էր, որ սոցցանցերում տեսագրությունը հրապարակվել էր առանց իր գիտության։
«Նրան ազատ են արձակել առանց մեղադրանք առաջադրելու ու գործը փակվել է դատախազի կողմից»,- ասվում է հայտարարության մեջ։