Ճապոնիայում շոգի պատճառով 6 մարդ է մահացել
Հուլիսի 10-ից Ճապոնիայում շոգի հետեւանքով 6 մարդ է զոհվել, 7.680 մարդ էլ հիվանդանոց է տեղափոխվել։ Այս մասին հաղորդել է Ճապոնիայի հրշեջ պահպանության ծառայությունը, փոխանցում է «ՌԻԱ Նովոստի»-ն։
Սա 1.8 անգամ ավելի է, քան մեկ շաբաթ առաջ գրանցված ցուցանիշը։ Հիվանդանոց տեղափոխվածներից 170-ն այնտեղ կմնան երեք շաբաթից ավելի։ Ավելի քան 2.5 հազար մարդ ավելի կարճ ժամանակով է հիվանդանոց տեղափոխվել։
Տուժածների գրեթե կեսը՝ 49.5 տոկոսը, 65 տարեկանն անց մարդիկ են։