Դամասկոսում կրակ են բացել ՌԴ դեսպանատան ուղղությամբ. ՌԴ ԱԳՆ-ն հայտարարություն է տարածել
Սիրիայի մայրաքաղաք Դամասկոսում կրակ է բացվել Ռուսաստանի դաշնության դեսպանատան շենքի ուղղությամբ, այս մասին նշվում է Ռուսաստանի արտաքին գործերի նախարարության պաշտոնական կայքում:
ՌԴ ԱԳՆ-ն խստիվ դատապարտել է Դամասկոսում իրենց քաղաքական ներկայացուցչության, ինչպես նաև խաղաղ բնակիչների դեմ ահաբեկչական բնույթի գործողությունները և հայտարարել, որ Սիրիայում ահաբեկչության դեմ սկզբունքային պայքարը շարունակելու է մնալ Ռուսաստանի արտաքին քաղաքականության անբաժանելի մասը:
Ռուսաստանի ԱԳՆ-ն նաև նշել է, որ «երջանիկ պատահականությամբ» կրակի հետևանքով ոչ ոք չի տուժել: Ավերածությունների մասին նույնպես տեղեկություններ չկան: