Կոնգրեսական. Թրամփի երեխաները եւ նրա փեսան պետք է Սպիտակ տունը լքեն
ԱՄՆ նախագահ Դոնալդ Թրամփի երեխաները եւ փեսան պետք է Սպիտակ տունը լքեն։ Այս մասին KBTX-TV–ի եթերում հայտարարել է Թեխասից ընտրված հանրապետական կոնգրեսական Բիլ Ֆլորեսը։
«Կարծում եմ, որ սա նախագահի շահերի շրջանակում կլինի։ Նրա երեխաները, ոչ միայն Դոնալդ կրտսերը, այլ նաեւ Իվանկան եւ նրա փեսան՝ Ջարեդ Քուշները պետք է Սպիտակ տնից հեռանան»,– նշել է նա։
Թրամփի որդիները՝ Դոնալդը եւ Էրիկը, չեն մտնում նախագահի վարչակազմի մեջ, նրանք ղեկավարում են հոր ընկերությունները։ Իվանկա Թրամփը եւ նրա ամուսին Ջարեդ Քուշները Թրամփի խորհրդականներն են։