Փարիզում Բաստիլի գրավման օրվան նվիրված միջոցառման ժամանակ անվտանգությունը կապահովի մոտ 11 հազար ոստիկան
Փարիզում Բաստիլի գրավման օրվան նվիրված տոնակատարությունների ժամանակ՝ հուլիսի 14-ին, անվտանգությունը կապահովի մոտ 11 հազար ոստիկան և ուժային: Այս մասին հայտնում է մայրաքաղաքի ոստիկանության պրեֆեկտ Միշել Դելպյուեշը:
Reuters գործակալության հաղորդմամբ՝ Ելիսեյան դաշտերում անցկացվելիք շքերթը, որը կայցելի ԱՄՆ նախագահ Դոնալդ Թրամփը, կհսկի 3.5 հազար ոստիկան և ժանդարմ:
Աղբյուրը մանրամասնում է, որ Փարիզի անվտանգության գործում նաև ներգրավված կլինի Սեն գետի վրա պարեկություն անող վեց նավակ, ինչպես նաև ամերիկյան արտադրության Reaper անօդաչուն, որը կկառավարվի Կոնյակ քաղաքում տեղակայված ռազմաօդային ուժերի բազայից: Ընդ որում՝ կակտիվացվի վնասակար դրոնները ճանաչելու և ոչնչացնելու համակարգը:
Հայտնի է, որ վերջին ամիսներին իրականացվել է մի քանի ահաբեկչական հարձակում և ահաբեկչության փորձ քաղաքի կենտրոնում՝ Ելիսեյան դաշտերում և Փարիզի Աստվածամոր տաճարի մոտակայքում: