ԿԳՄՍ նախարարի վիճակը ծանր է. նա խավարից ձայներ է լսում

ԿԳՄՍ նախարարի պաշտոնը թյուրիմացաբար զբաղեցնող Արայիկ Հարությունյանը, որն ամբողջովին տապալել է իրեն վստահված ոլորտները, հիմա էլ որոշել է համապետական ծնողական ժողով հրավիրել եւ ՀՀ քաղաքացիներին համոզել, թե ինչու պետք է դպրոցականները կտտանքների ենթարկվեն դասասենյակներում:

Իհարկե, ոչ մի իրեն հարգող ծնող չի պատրաստվում մասնակցել Արայիկ Հարությունյանի հրավիրած ժողովին: Ընդամենը պետք է արգելել երեխաներին դասասենյակներում նստել դիմակներով, արգելել արգելել դասամիջոցները եւ սնվելը, արգելել երեխաներին գրատախտակի մոտ կանչելու արգելքը եւ արգելել դասամիջոցները վերացնելու որոշումները: Մի խոսքով, պետք է անցկացվեն նորմալ դասապրոցեսներ լավ օդափոխվող սենյակներում:

Բայց անհանգստացնողը ծնողական ժողովը չէ, այլ Արայիկ Հարությունյանի հոգեվիճակը: Նա, որին վստահված է կրթության եւ գիտության ոլորտը, սպորտը, մշակույթը, պարզվում է խավարից ձայներ է լսում: Սա արդեն պետք է լրջորեն անհանգստացնի մասնագետներին, համապատասխան նեղ մասնագետներին:

«Չվախենաք խավարից եկող աղմուկից...»,- գրել է Հարությունյանը, դիմելով ծնողներին: Իհարկե, մենք աղմուկից, այն էլ խավարից եկող աղմուկից չենք վախենում, բայց անհանգստանում ենք մեր երեխաների համար, որոնք սովորում են դպրոցներում, բարձրագույն ուսումնական հաստատություններում, քոլեջներում: Անհանգստանում ենք, քանի որ ԿԳՄՍ նախարարը խավարի միջից ձայներ է լսում:

Աննա Բաղդասարյան

Top-News.am