Պուտինը պատմել է իր մոտոցիկլետի մասին
Ռուսաստանի նախագահ Վլադիմիր Պուտինը հայտարարել է, որ ճապոնական Mitsubishi մոտոցիկլետ ունի: «Ինտերֆաքս»-ի փոխանցմամբ՝ այս մասին նա հայտարարել է «Իննոպրո-2017» միջազգային արդյունաբերական ցուցահանդեսի ժամանակ։
Այնտեղ Mitsubishi մոտոցիկլետ արտադրողներն ասել են, որ դրա կառուցման ժամանակ օգտագործվում է ինքնաթիռների կառուցման բազմամյա փորձը, ինչը նրան թույլ է տալիս մեծ արագություն զարգացնել։
«Այսպիսին ոչ, բայց ձեր ֆիրմայի մոտոցիկլետ ես ունեմ։ Անկեղծ ասած՝ աշխատում եմ այն չվարել»,- հայտարարել է Պուտինը։
Այս տարվա ապրիլին Վլադիմիր Պուտինը ներկայացրել է իր եկամուտները։ Նախագահը նշել է, որ ունի երկու «ԳԱԶ» (ԳԱԶ Մ21) մակնիշի ավտոմեքենա եւ մեկ «Նիվա» ավտոմեքենա, սակայն մոտոցիկլետի մասին տվյալներ չեն եղել։