Ավստրալիայի դաշնային ոստիկանությունը «հետախուզում է» մեկ միլիոն դոլարով լի ճամպրուկի տիրոջը
Ավստրալիայի դաշնային ոստիկանությունը իր Facebook-յան էջում տեղադրել է 1․6 մլն կանխիկ գումարով լի ճամպրուկի լուսանկարը՝ նշելով, որ հետախուզվում է այդ ճամպրուկի տերը։ Գումարով լի ճամպրուկը հայտնաբերվել է թմրադեղերի մասին գործի հետքննության ընթացքում, հայտնում է news.com.au-ը։
«Մենք սկսել ենք դատավարությունը, ներկայացնելով գտած ճամպրուկը որպես չպահանջված կանխիկ գումար։ Բայց եթե դուք համարում եք, որ այդ գումարը ձերն է, մենք շատ կցանկանայինք զրուցել ձեզ հետ։ Ու մենք հաստատ կհարցնենք, թե որտեղից է ձեզ մոտ հայտնվել այդ ճամպրուկը։ Մենք կասկածներ ունենք, որ դա ձեր աշխատավարձը չէ»,- ասվում է լուսանկարին կից ոստիկանության մեկնաբանությունում։