Կորոնավիրուսից մահերի շատ մեծ թիվը շարունակում է մտահոգել եւ հարցեր առաջացնել

Հայաստանում օգոստոսի 11-ի դրությամբ հաստատվել է կորոնավիրուսով վարակման 160 նոր դեպք, վարակվածների ընդհանուր թիվը հասել է 40593-ի:

Ինչպես տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը, մեկ օրում կորոնավիրուսի հետևանքով մահացել է 7 քաղաքացի:

Մեկ օրում գրանցվել է կորոնավիրուսով վարակված պացիենտների՝ այլ հիվանդությունից մահվան 6 դեպք: Օգոստոսի 11-ի դրությամբ մահվան այս դեպքերի թիվը 234 է: Ընդհանուր առմամբ, մեկ օրում մահացել է 13 մարդ, իսկ մահվան ընդհանուր դեպքերի թիվը հասել է 1037-ի:

Մեկ օրում առողջացածների թիվը 541 է, ընդհանուր առողջացածներինը՝ 33157, փաստացի բուժվողներինը՝ 6399 (մեկ օրում նվազել է 394-ով): Մեկ օրում արվել է 968 թեստ, ընդհանուր առմամբ առ այսօր արվել է 177322 թեստ: