Ինչպես է իմունային համակարգն արձագանքում կորոնավիրուսին

Կորոնավիրուսը հզոր իմունային ռեակցիա է առաջացնում, ինչը խանգարում է վիրուսի դեմ պայքարին: РИА Новости-ի փոխանցմամբ՝ նման եզրակացության են եկել Սան Ֆրանցիսկոյի համալսարանի գիտնականները, որոնց կատարած հետազոտության արդյունքները հրապարակվել են MedicalXpress գիտական ամսագրում:

Մասնագետները կարծում են, որ օրգանիզմը վիրուսից սկսում է ազատվել արդեն վարակվելուց րոպեներ անց, և չափազանց ուժեղացված պայքարը հանգեցնում է հիվանդության ծանր ընթացքի:

Միևնույն ժամանակ նշվում է, որ կորոնավիրուսով վարակման դեպքում իմունային արձագանքը զգալիորեն տարբերվում է օրգանիզմում գրիպի վիրուսի հայտնվելու ժամանակ ցուցաբերվող արձագանքից:

Գիտնականները նաև պարզել են, որ կորոնավիրուսն ունակ է վնասել ոչ միայն շնչառական համակարգի, այլև այլ օրգանների բջիջներ: Այդ հարցում վիրուսին օգնում են սպիտակուցային ելուստները, որոնց շնորհիվ էլ այն ստացել է իր անվանումը:

Վերջին տվյալների համաձայն՝ կորոնավիրուսով վարակման դեպքերի թիվն աշխարհում գերազանցել է 18 միլիոնը, հիվանդությունից մահացել է ավելի քան 690 հազար մարդ:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը