Հերկուլեսի համաստեղությունում «նորածին» գալակտիկա է հայտնաբերվել

Ճապոնական «Սուբարո» աստղադիտարանի շնորհիվ աստղագետները Հերկուլեսի համաստեղությունում վերջերս ձեւավորված գալակտիկա են հայտնաբերել, որի աստղերում ջրածնից եւ հելիումից ավելի ծանր տարրեր չկան, ինչն այն տիեզերքի ամենահին գալակտիկաների անալոգն է դարձնում: Գիտնականներն իրենց աշխատանքի արդյունքները հրապարակել են Astrophysical Journal ամսագրում:

«Այս գալակտիկայի ամենազարմանալի առանձնահատկությունն այն է, որ դրանում բոլոր աստղերը Արեւից ծանր են ընդամենը 800 միլիոն անգամ: Դա 100 հազար անգամ քիչ է, քան ծիր կաթինի բոլոր աստղերի համակցված զանգվածը: Այն իր չափերով համեմատելի է մեր Գալակտիկայում տիպիկ աստղային կուտակման հետ: Սա խոսում է այս տիեզերական օբյեկտի ներսում առաջնաստեղծ բնույթի օգտին»,- պատմել է աշխատության հեղինակներից մեկը՝ Տոկիոյի համալսարանի պրոֆեսոր Մասամի Օուտին:

Առաջին աստղերը Տիեզերքում, որոնք պատկանում են այսպես կոչված երրորդ պոպուլյացիային, ամբողջովին տարբերվում էին Արեւից եւ այլ ժամանակակից մոլորակներից: Դա պայմանավորված է նրանով, որ դրանցում «մետաղներ» չկային․ այդպես էին աստղագետներն անվանում ջրածնից եւ հելիումից ավելի ծանր տարրերը: Այդ պատճառով այդպիսի մոլորակները չափերը գրեթե ոչնչով սահմանափակված չեն, եւ դրանց զանգվածը կարող էր մի քանի հարյուր անգամ ավելի մեծ լինել, քան արեւայինը:

Դրանց չափի եւ քիմիական կազմի շնորհիվ տասնյակ միլիոնավոր տարիների ընթացքում այդպիսի աստղերը շատ արագ այրվում էին: Երբ դրանցում ջրածնի պաշարներն ավարտվում էին, դրանք պայթում էին՝ այսպես կոչված անկայուն գերնորերն առաջացնելով: Դրանք շատ հզոր տիեզերական ջերմամիջուկային պայթյուններ են, որոնցում գործարկված է հսկա աստղի ամբողջ նյութը, փոխանցում է ՏԱՍՍ-ը:

Այս թեմայով Տպավորիչ «արյունոտ Լուսին». 2026 թվականի մարտի 3-ին սպասվում է Լուսնի լիակատար խավարում Փետրվարի վերջին վեց մոլորակներ գիշերային երկնքում «շքահանդեսի» կշարվեն Գիտնականները հայտնաբերել են փոքր աստերոիդների քիմիական կազմը Երկրի վրա կրկի՞ն մագնիսական փոթորիկ կսկսվի․ Բնակիչներին զգուշացրել են Երկրի վրա մոտ երկու օր մոլեգնող մագնիսական փոթորիկն ավարտվել է