Ռուսաստանում մեկ օրում հայտնաբերվել է կորոնավիրուսով վարակման 5 509 դեպք

Ռուսաստանում կորոնավիրուսով վարակակիրների թիվը մեկ օրում մեծացել է 5 509-ով՝ հասնելով մինչեւ 834 499-ի: Այս մասին այսօր լրագրողներին հայտնել են նոր ինֆեկցիայի տարածման դեմ պայքարի օպերատիվ շտաբից, փոխանցում է ՏԱՍՍ-ը:

Տվյալների համաձայն՝ 9 օրերի ամենօրյա աճը 0,7 տոկոսից չի անցնում:

Ապաքինված պացիենտների թիվը, որոնց մոտ կորոնավիրուս էր ախտորոշվել, մեկ օրում մեծացել է 9 322-ով, արդեն ապաքինվել է վարակվածների ընդհանուր թվի 75 տոկոսը: Ըստ շտաբի տվյալների՝ դուրս է գրվել ընդհանուր 629 655 մարդ: