Փորձում եք խեղաթյուրել մեր երեխաների ճակատագրերը. բուհ չընդունված դիմորդները կդիմեն դատարան
Մենք շարունակելու ենք մեր ակցիաները եւ պահանջելու ենք, որ վերականգնվի մեր երեխաների սովորելու իրավունքը, քանի որ որոշ պետական այրերի կողմից այն ոտնահարվել է։ Այս մասին այսօր` հուլիսի 25-ին, հրավիրված ասուլիսին ասաց դիմորդների ծնողների ներկայացուցիչ Մասիս Բաբալյանը` նշելով, որ իրենք այս հարցով կդիմեն դատարան:
«Ուզում եմ նշել, որ մեր շարժման ընթացքում մի շարք կազմակրեպություններ, անհատներ միշտ զանգերով, իրենց անձնական մոտեցումներով տեղյակ են պահել, որ սատարում են մեզ, կանգնած են մեր կողքին եւ պատրաստ են աջակցել բոլոր հարցերում։ Քանի որ երեկվա հանդիպումից հետո տեսանք, որ ԿԳՄՍ նախարարությունը՝ նախարարի գլխավորությամբ չի ուզում լուծում տալ մեր զավակների, մեր դիմորդների իրավական պահանջին, այն է՝ սովորելը բուհում, այդ պատճառով որոշեցինք մեր երեխաների իրավական պահանջը ներկայացնենք դատական ատյաններ»,-ասաց նա։
Նա նաեւ տեղեկացրեց, որ երկուշաբթի իրենք իրենց երեխաների հետ միասին ԿԳՄՍ նախարարության մոտ ակցիա են կազմակերպելու եւ պահանջելու ենք հանդիպում նախարարի հետ:
«Որովհետեւ ըստ երեւույթին նախարարը հանձնարարում է փոխնախարար Գրիշա Թամրազյանին, որ նա փորձի մեզ համոզել իրենց տարբերակները։ Վատն այն է, որ փորձում են մեզ հեռակա տարբերակներ առաջարկել, իսկ ինչպես բոլորդ գիտեք օգոստոս ամսից այսպես, թե այնպես հեռակայի ընդունելություններ են լինելու։ Մեզանից ո՞ր մեկը չգիտի, որ իր գնահատականներով կարող է հեռակայի քննություններին մասնակցել։ Եթե այդ տարբերակը բավարարեր ոչ թե մեզ, այլ մեր դիմորդ զավակներին, բնականաբար նրանք կողմնորոշված կլինեին, ո՛չ իրենց բողոքի ակցիան կկազմակերպեին, ո՛չ էլ կպահանջեին, որ դառնան առկա բաժնի ուսանողներ։ Դառնում ենք, կոպիտ ասած, մեզ ձեռք առած։ Կարծես թե մենք լուսնից ենք իջել, ոչ մի բանից տեղյակ չենք, իսկ իրենք փորձում են մեր խնդրին լուծում տալ՝ առաջարկելով հեռակայի տարբերակը։ Պարոն ԿԳՄՍ նախարար Արայիկ Հարությունյան, ուշադիր հետեւեք մեզ, մեր ելույթներին եւ փորձեք Ճիշտ մոտեցում ցուցաբերել։ Հիշեք, որ ձեր այս անտարբեր քայլերով փորձում եք խեղաթյուրել մեր երեխաների ճակատագրերը, դուք փորձում եք այս ամենով վատ անդրադառնալ մեր երեխաների ապագայի հետ կապված բոլոր հարցերի վրա։ Մեր դիմորդների մի մասը դիմորդներ են, որոնք կա՛մ այս պահին բանակում են, կա՛մ այս օրերին են զորակոչվելու, կա՛մ էլ դեկտեմբերին։ Դուք պատկերացնո՞ւմ եք իրենց վիճակը, եթե մարդը գիտի, որ բարձր գնահատական է ստացել, ամիսներ շարունակ ինչ-որ մեկը կամ բազմաթիվ դիմորդներ չարչարվել են, տանջվել են ու այդ դիմորդի համար կյանքի նպատակ է հանդիսանում իր երազած մասնագիտության տեր դառնալը կամ իր երազած հաջորդ մասնագիտության տեր դառնալը։ Եւ նրանք, ստանալով բարձր գնահատականներ, բնականաբար համոզված են լինում այդ պահին, որ ընդունվել են, եթե ոչ առաջին հայտով ապա երկրորդ կամ երրորդ: Իսկ որոշ ժամանակ անց պարզում են, որ վերջին հայտով ինչ-որ մի տեղ է ընդունվել»,-ասաց նա:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է