ԱՄՆ-ն չեղարկել է Թուրքիայից եւ ԱՄԷ-ից թռչող օդանավերի սրահում նոթբուքեր ունենալու արգելքը
ԱՄՆ-ն չեղարկել է Թուրքիայից եւ ԱՄԷ-ից թռչող ինքնաթիռների սրահում նոթբուքեր կամ այլ էկեկտրոնային սարքավորումներ ունենալու արգելքը, հաղորդում է Reuters-ը։
Emirates ավիաընկերության ներկայացուցիչը հայտարարել է, որ արգելքը չեղրակվել է, երբ Դուբայի միջազգային օդանավակայանում անվտանգության նոր միջոցներ են սահմանվել։
Turkish Airlines ավիաընկերությունն իր հերթին հայտարարել է, որ ԱՄՆ մեկնող ուղեւորները այժմ կարող են իրենց հետ ինքնաթիռի սրահ տանել նոթբուքերը։ Ընկերության գործադիր տնօրեն Բիլալ Էքսին Twitter –ի իր էջում գրել է, որ Մեծ Բրիտանիան եւս մոտ ապագայում կչեղարկի նոթբուքերը ձեռքի ուղեբեռով տեղափոխելու արգելքը։