Թուրքիան բողոքի նոտա է հանձնել Գերմանիայի ԱԳՆ
Գերմանիայի կառավարության շենքի մոտ Ֆիլիպ Ռուխ անունով անձի կողմից Էրդողանի դեմ կարգախոս բարձրացնելու հետ կապված Բեռլինում Թուրքիայի դեսպանատունը բողոքի նոտա է հանձնել Գերմանիայի ԱԳՆ։
Թուրքական Cumhuriyet–ի փոխանցմամբ՝ Բեռլինում Թուրքիայի դեսպանատան հայտարարության մեջ նշվել է, որ հունիսի 3–ին Ֆիլիպ Ռուխ անունով անձը կառավարության շենքի մոտ մի մեքենայի վրա բացել է «Եթե ուզում ես շահել այս մեքենան, սպանիր բռնապետին» կարգախոսը։
«Մեքենայի վրա փակցված է եղել նաեւ Էրդողանի լուսանկարը։ Մենք այս փաստի կապակցությամբ բողոքի նոտ ենք հղել Գերմանիայի ԱԳՆ–ին, քանի որ բռնություն հրահրող կարգախոսներն ընդունելի չեն եւ չեն նպաստում խաղաղությանը»,–նշվել է հայտարարության մեջ։