Ավստրիան 750 զինվորականների է տեղակայելու Իտալիայի հետ սահմանին
Ավստրիան զրահատեխնիկա է տեղադրել Իտալիայի հետ սահմանին ու մոտ 750 լրացուցիչ զինվորականներ է ուղարկելու՝ սահմանը հսկելու համար, վախենալով միգրանտների ներհոսքից, հայտնում է The Telegraph-ը։
Երկրի ՊՆ-ում նշել են, որ անհրաժեշտության դեպքում լրացուցիչ ուժերը Բրեներ տեղափոխելու համար 72 ժամ կպահանջվի։
«Հույս ունեմ, որ մոտ ժամանակներս սահմանային հսկողությունը կուժեղացվի»,- հայտնել է Ավստրիայի պնախարար Պետեր Դոսկոզիլը։ Ընդ որում գերատեսչության ղեկավարը չի նշել ճշգրիտ ժամկետներ։
Վիեննան այս որոշումը կայացնում է, քանի որ մտավախություններ ունի, որ Իտալիայում գտնվող միգրանտները կարող են հատել սահմանը ու հայտնվել ավստրիական տարածքում։ Այդ ժամանակ հնարավոր է 2015-ի միգրանտային ճգմաժամի կրկնություն։
Տարեսկզբից Լիբիայից մինչեւ Իտալիայի ափեր են հասել ավելի քան 85 հազար միգրանտներ։