Չորս արաբական երկրները համաձայնել են երկարաձգել Քաթարին ներկայացված վերջնագրի ժամկետը
Չորս արաբական երկրները համաձայնել են 48 ժամով երկարաձգել Քաթարին ներկայացված վերջնագրի ժամկետը։ Այս մասին հաղորդում է «Ալ-Ջազիրա» հեռուստաընկերությունը։
Ավելի վաղ Քաթարը խնդրել էր ևս 48 ժամ տրամադրել որոշում կայացնելու համար։
Հունիսի 22-ին Սաուդյան Արաբիան, Եգիպտոսը, Բահրեյնը և Արաբական Միացյալ Էմիրությունները Քուվեյթի միջոցով 13 կետից բաղկացած պահանջներ էին ներկայացրել Քաթարին ՝ 10 օր ժամկետ տալով դրանք կատարելու համար։ Պահանջների թվում են Թուրքիայի հետ ռազմական համագործակցության դադարեցումը, Քաթարում թուրքական ռազմակայանի վերացումը։
Հունիս 5-ին Բահրեյնը, Արաբական Միացյալ Էմիրությունները, Սաուդյան Արաբիան, Եգիպտոսը, Եմենը և մի քանի այլ երկրներ խզել են դիվանագիտական հարաբերությունները Քաթարի հետ՝ այդ պետությանը մեղադրելով ահաբեկչությանը և ծայրահեղական գաղափարախոսությանը սատարելու մեջ։