ՌԴ Նովգորոդի մարզում արտակարգ դրություն է հայտարարվել անձրևների պատճառով

Ռուսաստանի Դաշնության Նովգորոդի մարզի նահանգապետի ժամանավոր պաշտոնակատար Անդրեյ Նիկիտինը արտակարգ դրության ռեժիմ է սահմանել շրջանում հորդառատ անձրևների պատճառով:

Ինչպես հաղորդում է Gazeta.ru-ն, շրջանի իշխանությունները պարզաբանել են, որ նման միջոցառումներն անհրաժեշտ են անբարենպաստ եղանակային պայմանների հետևանքները վերացնելու համար: Անոմալ եղանակային պայմանների հետևանքով փողոցներն են քանդվել ու շենքեր են հեղեղվել:

Նշվում է, որ մեկ օրում շրջանում ավելի քան 40 մմ տեղումներ են գրանցվել, որը հավասար է տեղումների կես ամսվա նորմային հուլիս ամսվա համար: Շուրջ 1000 մարդ մեկուսացման մեջ է հայտնվել անձրևների պատճառով:

Ներկա պահին վերացվում են անձրևների հետևանքները, բնակիչներին տարհանում են: