ՆԱՍԱ-ն Արեգակի՝ 10 տարի շարունակ արված 425 մլն լուսանկարների հիման վրա պատրաստված տպավորիչ տեսանյութ է հրապարակել

ՆԱՍԱ-ն յութուբյան էջում հրապարակել է Արեգակի՝ 10 տարի շարունակ արված լուսանկարների հիման վրա պատրաստված տեսանյութը:

Տեսանյութում ցուցադրվող 425 մլն բարձր որակի լուսանկարները ՆԱՍԱ-ի Արեգակնային դինամիկայի աստղադիտարանը հավաքել է 2010 թվականի փետրվարին գործարկումից ի վեր մինչ այս տարվա հունիսն ընկած ժամանակահատվածը։

Ինչպես նշում են ՆԱՍԱ-ում, մեկ տասնամյակի ընթացքում հավաքված լուսանկարները նպաստել են «Արևի գործունեության մասին բազմաթիվ նոր հայտնագործություններին», և այժմ դրանք մեկտեղվել են 1 ժամանոց տեսանյութում։

61 րոպեանոց տեսանյութի յուրաքանչյուր վայրկյանը ներկայացնում է մեկ օրվա ընթացքում արված լուսանկարներ, ընդ որում՝ առաջին կադրում ցուցադրված է 2010 թվականի հունիսի 2-ին արված լուսանկարը, իսկ վերջին կադրում՝ 2020 թվականի հունիսի 1-ին արված լուսանկարը:

Այս թեմայով Տպավորիչ «արյունոտ Լուսին». 2026 թվականի մարտի 3-ին սպասվում է Լուսնի լիակատար խավարում Փետրվարի վերջին վեց մոլորակներ գիշերային երկնքում «շքահանդեսի» կշարվեն Գիտնականները հայտնաբերել են փոքր աստերոիդների քիմիական կազմը Երկրի վրա կրկի՞ն մագնիսական փոթորիկ կսկսվի․ Բնակիչներին զգուշացրել են Երկրի վրա մոտ երկու օր մոլեգնող մագնիսական փոթորիկն ավարտվել է