Գլենդեյլը ամենավատ վարորդներով ամերիկյան քաղաքներից է
Արդեն 12-րդ տարին հաջորդաբար Գլենդեյլը ճանաչվում է ամենամեծ թվով անզգույշ վարորդներ ունեցող քաղաքներից մեկը։
Ամերիկյան ապահովագրական ընկերությունը հրապարակել է այն քաղաքների ցանկը, որտեղ վարորդները հաճախ են հայտնվում վթարներրում; Ըստ հետազոտության՝ Գլենդեյլի վարորդների 83 տոկոսը ավելի հաճախ է վթարների մասնակից դառնում, քան մյուս քաղաքների վարորդները, հայտնում է Los Angeles Times-ը։
Սակայն Քալիֆորնիայի ճանապարհային երթեւեկության անվտանգության հարցերով գրասենյակի ներկայացուցիչները համարում են, որ հետազոտությունը գիտական չէ, քանի որ հիմնված է ապահովագրական ընկերությունների, այլ ոչ թե իրական վթարների մասին տվյալների վրա։
Հետազոտության մեջ ներկայացված են ԱՄՆ 200 քաղաքների մասին տվյալները։
Նշենք, որ Գլենդեյլը ամենամեծ հայկական համայնք ունեցող ամերիկյան քաղաքն է։