Սկանդալային Մառա Բաղդասարյանին Մոսկվայում կալանավորել են
Մոսկվայի դատարանը վեց օրով կալանավորել է սկանդալային սթրիթռեյսեր Մառա Բաղդասարյանին՝ տուգանքները չվճարելու դիմաց նախատեսված հարկադիր աշխատանքներից խուսափելու համար:
Ինչպես հայտնում է ՏԱՍՍ ռուսական լրատվական գործակալությունը, ավելի վաղ նույն շրջանային դատարանը բավարարել էր դատախազի հայցը՝ նրան տրանսպորային միջոցներ վարելու իրավունքից զրկելու մասին։
Մի շարք տուգանքների չվճարման համար դատարանը Բաղդասարյանին ուղարկել էր հարկադիր աշխատանքի, սակայն նա բաց էր թողել աշխատանքը, ինչի համար կալանավորվել էր տասնհինգ օրով։ Դրանից հետո նա կեղծ բժշկական փաստաթուղթ էր ներկայացրել, որը բացահայտվելուց հետո Բաղդասարյանի հանդեպ սահմանվել էր ևս մեկ տարվա ուղղիչ աշխատանք։