Ինչպես սմարթֆոնը 40 րոպեով ավելի արագ լիցքավորել

Փորձը, որի ժամանակ միեւնույն մոդելի ութ սմարթֆոնները տարբեր կերպ են լիցքավորվել, ցույց է տվել, որ սարքի լիցքավորման գոյություն ունեցող մեթոդների միջեւ էական տարբերություն կա: Հզոր լիցքավորում օգտագործելու դեպքում կարելի է շատ ժամանակ խնայել, հայտնում է Planet-Today-ը:

Սմարթֆոնի մարտկոցի լիցքավորման արագության վրա ամենատարբեր գործոններ են ազդում: Եւ դա միայն լիցքավորման սարքի հզորությունը չէ, այլեւ, օրինակ, գործարկված հավելվածները։ Նույնիսկ միացված գեոլոկացիան կարող է մի քանի րոպեով մեծացնել մարտկոցի ամբողջական լիցքավորման ժամանակը: Էլ չենք խոսում ինչ-որ ծանր ծրագրերի մասին: Վերջիններս, ի դեպ, խորհուրդ չի տրվում գործարկել սմարթֆոնը լիցքավորելիս, քանի որ այդ դեպքում սարքի մարտկոցը կենթարկվի անցանկալի տաքացման՝ կրճատելով դրա ծառայության ժամկետը:

Մասնագետները պարզել են, որ միացված ավիառեժիմը նվազեցնում է լիցքավորման ժամանակը՝ 2 ժամ 10 րոպեից հասցնելով 1 ժամ 48 րոպի: Եւս 6 րոպե կարելի է խնայել հեռախոսն անջատելու դեպքում: Բայց ժամանակ խնայելու տեսակետից լավագույն միջոցը լիցքավորման հզոր սարք օգտագործելն է: Նույնիսկ եթե չանջատեք սմարթֆոնը եւ չակտիվացնեք ավտոնոմ ռեժիմը, հզոր սարքի միջոցով կարող եք այն լիցքավորել ընդամենը 1 ժամ 30 րոպեում, այսինքն 40 րոպե ավելի արագ, քան կոմպլեկտային սարք օգտագործելիս: