Ռուսաստանում թույլատրվել է կորոնավիրուսի ռուսական պատվաստանյութի փորձարկումը մարդկանց վրա

ՌԴ Առողջապահության նախարարությունը տվել է Covid-19-ի դեմ ռուսական պատվաստանյութերը մարդկանց վրա փորձարկելու առաջին թույլտվությունը: Այս մասին հայտնում է Meduza-ն՝ հղում տալով նախարարության փորձարկումների կլինիկական ռեեստրում տեղադրված տեղեկությանը:

Հաղորդվում է, որ կլինիկական հետազոտությունները կսկսի Գամալեի անվան համաճարակաբանության և մանրէաբանության ազգային կենտրոնը: Դրանք կանցկացվեն Բուրդենկոյի անվան գլխավոր ռազմական կլինիկական հոսպիտալում և Սեչենովսկի համալսարանում:

Հետազոտողները նախատեսում են փորձարկել «Գամ-Քովիդ-Վակ» և «Գամ-Քովիդ-Վակ Լիո» պատվաստանյութերը: Հավանական է, որ խոսքը նույն պատվաստանյութի երկու տարբեր տեսակների մասին է: Դրանցից յուրաքանչյուրը կփորձարկվի 43 առողջ կամավորների վրա:

Նախատեսվում է, որ փորձարկումները կավարտվեն այս տարվա դեկտեմբերի 31-ին:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը