Արաբական ավիաընկերությունն ուղևորներին առաջարկել է վճարել «առանց հարևանների» տեղերի համար
Միացյալ Արաբական Էմիրությունների Etihad Airways ազգային ավիաընկերությունը նոր ծառայություն է ներկայացրել ուղևորների համար, որոնք ցանկանում են ճանապարհորդել առանց հարևանների: Այս մասին հայտնում է ավիափոխադրողի մամուլի ծառայությունը:
Աղբյուրի հաղորդմամբ՝ այս ծառայությունը հասանելի է ավիաընկերության էկոնոմ կարգի ուղևորների համար: Չվերթի տոմսն առցանց ամրագրելու դեպքում ուղևորը կարող է խնդրել ազատ թողնել մեկից մինչև երեք հարևան նստատեղ՝ կախված չվերթի ծանրաբեռնվածությունից և ինքնաթիռի սրահի կառուցվածքից:
Այս կերպ ճանապարհորդը հնարավորություն կունենա ավելի հարմարավետ թռիչք ունենալ: Նոր ծառայության գինը դեռևս անհայտ է, սակայն ավիաընկերության ներկայացուցիչների խոսքով՝ գինն ընդունելի կլինի: Ուղևորը կտեղեկացվի այն մասին, արդյոք նրա հայցը բավարարվել է, չվերթից 30 ժամ առաջ: