Փորձագետը՝ սմարթֆոնը գաղտնալսելու հնարքների մասին
Սմարթֆոնը գաղտնալսելու մի քանի նշաններ կան, տարածվածներից մեկն է, երբ գաջեթի մեջ առկա է կողմնակի հավելված, որը տերն ինքը չի տեղադրել: Այս մասին հայտնում է «Փրայմ» գործակալությունը՝ վկայակոչելով TelecomDaily տեղեկատվավերլուծական գործակալության ղեկավար Դենիս Կուսկովին:
Կուսկովի խոսքով՝ գոյություն ունեն գաղտնալսման մի քանի տեսակներ, որոնց թվում են օրինական եւ անօրինական տեսակները: Փորձագետը նշել է, որ դա պարզելը հեշտ չէ, քանի որ նման մեքենայությունների համար օգտագործվում է թանկարժեք սարքավորում:
«Դրանից բացի, եթե տեսնում եք, որ հեռախոսն ապրում է սեփական ինչ-որ կյանքով՝ միանում-անջատվում է, երբ ձեռք չեք տալիս, ապա միանգամայն հնարավոր է, որ սա եւս այն բանի նշանն է, որ գործարկված է գաղտնալսելու ծրագիրը: Հեռախոսը տաքանում է, երբ այն չեք օգտագործում. նման խնդիրներ պատահում են մարտկոցի, ծրագրային ապահովման պատճառով, բայց եթե ձեռք չեք տալիս, ապա այն պետք է լինի նորմալ ջերմաստիճանում»,- պարզաբանել է Կուսկովը:
Նաեւ եթե ձեր սմարթֆոնի մարտկոցն անչափ արագ է լիցքաթափվում, նշանակում է ֆոնային ռեժիմում աշխատում է ինչ-որ ծրագիր, սա նույնպես պետք է պարզել: Դրա համար նվազագույնը անհրաժեշտ է կատարել այն ծրագրերի աուդիտ, որոնք տեղադրված են սմարթֆոնում:
«Անհրաժեշտ է նաեւ տեղադրել հատուկ ծրագրեր, որոնք դադրեցնում են նման հավելվածների աշխատանքը: Եթե դրանից չեք հասկանում, գնացեք սպասարկման կենտրոն, որտեղ ձեզ կօգնեն անել այն ամենը, ինչ անհրաժեշտ է»,- ամփոփել է փորձագետը:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է