ԱՄՆ պետքարտուղարը կոչ է արել Քաթարին և արաբական երկրներին բանակցություններ սկսել
ԱՄՆ պետքարտուղար Ռեքս Թիլերսոնը հայտարարել է, որ Քաթարն ու արաբական չորս երկրներ, որոնք պահանջներ են ներկայացրել վերջինիս, պետք է նստեն բանակցային սեղանի շուրջ՝ ընդհանուր հայտարարի հասնելու համար, հաղորդում է Washington Post-ը:
Թիլերսոնի խոսքով՝ ԱՄՆ-ը հավատում է, որ դաշնակիցներն ու գործընկերներն ավելի ուժեղ են, երբ աշխատում են միասին՝ հանուն ընդհանուր առաքելության, որը տվյալ դեպքում ահաբեկչության դադարեցումն է:
ԱՄՆ պետքարտուղարը հավելել է, որ Վաշինգտոնը կշարունակի կապ պահպանել երկրներից յուրաքանչյուրի հետ։