Եվրոպայում Starbucks-ն աշխատանքի կընդունի ավելի քան 2 հազար փախստականների
Starbucks սրճարանների ցանցը նախատեսում է Եվրոպայում աշխատանքի ընդունել 2,5 հազար փախստականների՝ հունվարին ներկայացված անձնակազմ հավաքելու ծրագրի շրջանակում։ Այս մասին հաղորդում է «ՌԻԱ Նովոստի»-ն՝ վկայակոչելով Reuters-ը։
Ընկերությունը սկսել է անձնակազմի անդամներ հավաքել եվրոպական ութ երկրներում՝ Գերմանիայում, Մեծ Բրիտանիայում, Ավստրիայում, Իսպանիայում, Ֆրանսիայում, Նիդեռլանդներում, Պորտուգալիայում եւ Շվեյցարիայում։
Հունվարին Starbucks-ի գլխավոր տնօրեն Հովարդ Շուլցը հայտարարել է, որ ընկերությունը ծրագրում է 75 երկրում աշխատանքի ընդունել 10 հազար փախստականի։