Իսրայելի նախկին վարչապետը բանտից հայտնվել է հիվանդանոցում
Իսրայելի նախկին վարչապետ Էհուդ Օլմերթը (2006-2009) բանտից հիվանդանոց է տեղափոխվել, որտեղ պատիժ է կրում կոռուպցիայի համար։ Այս մասին հաղորդում է «ՌԻԱ Նովոստի»-ն՝ վկայակոչելով տեղի լրատվամիջոցները։
71-ամյա քաղաքական գործիչը բողոքել է կրծքի շրջանում ցավերից, սակայն բժիշկները բացառել են սրտի նոպայի հավանականությունը։
Բժշկի խոսքով՝ Օլմերթը գիտակից վիճակում է եւ շփվում է բժշկական անձնակազմի հետ։
Նա բանտում է հայտնվել Երուսաղեմում բնակելի էլիտար թաղամասի կառուցման համար կաշառք վերցնելու մեղադրանքով։ Իսրայելի պատմության մեջ առաջին անգամ ճաղերի հետեւում հայտնված վարչապետը փորձում է ժամկետից շուտ դուրս գալ բանտից։