Մարսի գաղութացումը դեռ շատ-շատ հեռու է․ ռուս տիեզերագնաց

Ռուս տիեզերագնաց Ֆյոդոր Յուրչիխինը կարծում է, որ մարդկության կողմից Մարսի գաղութացումը շատ հեռավոր գործ է, հայտնում է «ՌԻԱ Նովոստի»-ն։

«(Մարսի) գաղությացումը դեռ շատ-շատ հեռավոր գործ է։ Խելահեղորեն հեռավոր։

Որպես օրինակ, տիեզերագնացը բերել է Մարսի մակերեւույթի տարեկան միջին ջերմաստիճանը, որը մոտ -80 աստիճան է կազմում։ «Դա նույնիսկ Անտարկտիդա չէ, ընկերներ, դա ավելի վատ է»,- ասել է նա։ Յուչիխինի խոսքերով՝ Մարսի մակերեւույթին ճնշումը 160 անգամ ավելի փոքր է, քան երկրային մակերեւույթին։ «Մարդն այնտեղ ստիպված կլինի սկաֆանդրով քայլել։ Այլ կերպ այնտեղ քայլել անհնար է։ Եւ ապրել փակ տարածքներում»,- պարզաբանել է նա։

Յուրչիխինը կատարել է 5 տիեզերական թռիչք՝ գումարային մոտ 673 օր տեւողությամբ, եւ 9 ելք բաց տիեզերք՝ գումարային 59,5 ժամ տեւողությամբ։