Օլիմպիական խաղերի փոխարեն՝ կորոնավիրուսային մրցավազք

Արդեն հայտնի է, որ այս տարվա Տոկիոյի օլիմպիական խաղերը տեղափոխվել է հաջորդ տարի: Տպավորություն է, որ աշխարհի գերտերությունները սպորտային մրցապայքարը փոխարինել են կորոնավիրուսային մրցավազքով:

Չինաստանին կորոնավիրուսային ցուցանիշներով շրջանցեց Միացյալ Նահանգները, բայց հիմա էլ Ռուսաստանն է ցուցադրում իր նկրտումները եւ ամեն ինչ անում է առաջին հորիզոնականում կամ գոնե եռյակում հայտնվելու համար:

Ռուսաստանի 65 մարզում կորոնավիրուսով վարակման 3388 նոր դեպք է գրանցվել անցած օրվա ընթացքում, 28 մարդ մահացել է, 292-ը առողջացել է, հայտնում են «ՌԻԱ Նովոստի»-ն:

Վարակվածների ընդհանուր թիվը երկրում հասել է 24.490-ի: Եթե Ռուսաստանը պահպանի այս տեմպերը, ապա երկու շաբաթ հետո կգերեազանցի Չինաստանի ցուցանիշը:

Top-News.am