Ռոբոտները վիթխարի աստղադիտակ կկառուցեն Լուսնի հակառակ կողմում

Ամերիկյան NASA գործակալության մասնագետները նախատեսում են Լուսնի վրա կառուցել մինչ այս հայտնի խոշորագույն աստղադիտակ-ալեհավաք։ Այս մասին հայտնել է NASA-ի կայքը։

Լուսնի հակառակ կողմում գտնվող խառնարաններից մեկն ընտրվել է որպես հարմար վայր՝ դրա խորքում 1 կմ տրամագծով ափսեաձև ալեահավաք կառուցելու համար։ Այդ վիթխարի աշխատանքը իրականացնելու են Երկրագնդից ուղարկված ռոբոտները։ Նրանք այդ աշխատանքը իրականացելու են ինքնուրույն։
Նախատեսվում է, որ ռոբոտները լարեր են սփռելու խառնարանով մեկ և դրանց տալու են համապատասխան ձև։ Իսկ խառնարանի կենտրոնում կախված է լինելու ընդունիչը, որն էլ ուսումնասիրելու է տիեզերքից եկող ռադիոլաիքները։

Լուսնային այս աստղադիտակի յուրօրինակությունը լինելու է ոչ միայն չափը, այլև միջավայրը։ Այն կարողանալու է դիտարկել այնպիսի ռադիոալիքներ, որոնց դիտարկումը երկրից անհնար է Երկրագնդի իոնոսֆերայի, ինչպես նաև ռադիոաղմուկ արձակող բազմաթիվ գործոնների պատճառով, որոնք աղճատում են տիեզերքից եկող ազդանշանները։

Իսկ Լուսնի վրա, այն էլ՝ հակառակ կողմում, այդ խնդիրը չի լինի։

Այս թեմայով Տպավորիչ «արյունոտ Լուսին». 2026 թվականի մարտի 3-ին սպասվում է Լուսնի լիակատար խավարում Փետրվարի վերջին վեց մոլորակներ գիշերային երկնքում «շքահանդեսի» կշարվեն Գիտնականները հայտնաբերել են փոքր աստերոիդների քիմիական կազմը Երկրի վրա կրկի՞ն մագնիսական փոթորիկ կսկսվի․ Բնակիչներին զգուշացրել են Երկրի վրա մոտ երկու օր մոլեգնող մագնիսական փոթորիկն ավարտվել է