Չինաստանում iPhone հավաքող գործարանի աշխատակիցները վերադարձել են աշխատանքի

Չինաստանում iPhone հավաքող Foxconn գործարանի տնօրինությունը որոշում է կայացրել մոտ մեկ միլիոն աշխատակցի հետ կանչել աշխատանքի, սակայն նոր տեսակի կորոնավիրուսով վարակվելը բացառելու համար խիստ միջոցառումներ է ձեռնարկել, գրում է Business Insider-ը։

Գործարանի տնօրինությունը մտադիր է 2020 թվականի աշնանը նոր iPhone թողարկել: Այդ իսկ պատճառով տնօրինությունը որոշում է կայացրել համընդհանուր ընդունված անվտանգության կանոնների շարքում վիրուսն այլ մարդկանց փոխանցելու հավանականությունը նվազեցնելու համար գործարանի աշխատակիցներին 20 հոգանոց խմբերի բաժանել, որոնք պետք է միասին սնվեն, քնեն, քաղաքով տեղաշարժվեն և աշխատեն։ Նշվում է, որ մի խմբի անդամները մյուս խմբի հետ շփվելու թույլտվություն չունեն։ Օրվա ընթացքում աշխատակիցների մարմնի ջերմաստիճանին կանոնավոր կերպով կհետևեն ինֆրակարմիր տեսախցիկները։

Ընդհանուր ճաշարանում սեղանների միջև պատեր են հայտնվել, որպեսզի աշխատակիցները չտեսնեն մյուս խմբի իրենց գործընկերներին և չխոսեն նրանց հետ։

Սրճարանում որևէ սեղան ընտրելիս աշխատակիցը պետք է QR-կոդ սքանավորի, որպեսզի ընկերությունը տեղյակ լինի, թե որ սեղանի շուրջ է նա նստել։

Այս թեմայով Կորոնավիրուսի դեմ պատվաստանյութը կներարկեն չինացի զինվորականներին Կորոնավիրուսի դեմ պատվաստանյութը դրական արդյունք է տվել․ bioRxiv Համաճարակը հաղթահարած չինացի բժիշկները ամիսների բաժանումից հետո վերամիավորվել են ընտանիքների հետ (տեսանյութեր) ՆԱՍԱ-ն ցույց է տվել՝ ինչպես է Չինաստանում կորոնավիրուսը օդը «մաքրել» վնասակար նյութերից (լուսանկար) Չինաստանում հիվանդանոցի աշխատակիցներն իրենց հերթափոխի վերջում լիցքաթափվել են վալս պարելով (լուսանկարներ, տեսանյութ)