Կորոնավիրուսի հետեւանքով մահացության մակարդակը կարող է ավելի ցածր լինել, քան համարվում է. The Lancet Infectious Diseases

COVID-19 կորոնավիրուսային ինֆեկցիայի հետեւանքով մահացության մակարդակը կարող է ավելի ցածր լինել, քան համարվում է: The Lancet Infectious Diseases-ում հրապարակված նոր հետազոտության համաձայն՝ այս հիվանդության հետեւանքով մահացությունը կարող է լինել 1 տոկոսից քիչ:

Հետազոտողների տվյալներով՝ առաջնային հաշվարկի ժամանակ Չինաստանում COVID-19-ի հետեւանքով մահացության մակարդակը կազմել է 1,38 տոկոս: Բայց երբ գիտնականները հաշվարկել են, թե նույն Չինաստանում մոտ քանի մարդ է COVID-19-ը տարել առանց ախտանիշների, որը չի հաշվարկվել հիվանդացության վիճակագրության մեջ, հիվանդության հետեւանքով մահացության մակարդակը եղել է 0,66 տոկոս:

Կորոնավիրուսով բոլոր վարակվածների շրջանում, ներառյալ թեթեւ եւ առանց ախտանիշների ձեւերով մարդիկ, մահացության մակարդակն իմանալու համար գիտնականները ստուգել են, թե այս վիրուսը որքան հաճախ է հայտնաբերվել մարդկանց մոտ, որոնք Ուհանից տարհանվել են իրենց երկրներ: Շատ երկրներում չինական այս քաղաքից եկածները կորոնավիրուսի ախտորոշման թեստեր են հանձնել պոլիմերազային շղթայական ռեակցիայի մեթոդով՝ անկախ ախտանիշների առկայությունից: հետազոտության հեղինակները նաեւ հաշվի են առել Diamond Princess զբոսաշրջային նավի ուղեւորների շրջանում հիվանդացության եւ մահացության վերաբերյալ տվյալները:

Ստացված տվյալները հիմք են տալիս ենթադրելու, որ կորոնավիրուսի հետեւանքով մահացությունն իրականում 1 տոկոսից ցածր է:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը