Ինչո՞ւ է համեղ ուտելիքը վնասակար ուղեղի համար

Ճարպի եւ ածխաջրերի բարձր պարունակությամբ համեղ ուտելիքի շարունակաբար օգտագործումը բացասական ազդեցություն է թողնում ուղեղի վրա: Այդ մասին նախազգուշացնում է ԱՄՆ-ից, Ավստրալիայից եւ Մեծ Բրիտանիայից գիտնականների միջազգային խումբը:

MedicalXpress-ի տարածած մամուլի հաղորդագրության մեջ ասվում է, որ հետազոտությունը ցույց է տվել, որ այդպիսի սննդի հաճախ օգտագործման պատճառով հիպոկամպի հատկությունները փոխվում են այնպես, որ մարդուն դժվար է վեռադառնալ առողջ ապրելակերպին:

Հետազոտությանը մասնակցել է 120 տարեկանից բարձր 10 կամավոր, որոնք գիտափորձի սկզբում օգտագործել են առողջ սնունդ, մեկ շաբաթվա ընթացքում գերադասել կամ իրենց սովորական սննդակարգը, կամ ճարպերի եւ ածխաջրերի, այդ թվում՝ շաքարի բարձր պարունակությամբ սննդամթերք:

Հետազոտության յուրաքանչյուր մասնակիցն անցել է հիշողության թեստ, ինչպես նաեւ պատմել, թե գիտափորձի ընթացքում ստացե՞լ է արդյոք հաճույք ուտելու ժամանակ:

Արդյունքում պարզ է դարձել, որ մեկ շաբաթվա ընթացքում անառողջ սննդի օգտագործումը վատացնում է հիշողությունը: Գիտնականները նաեւ հայտնաբերել են փոփոխություններ հիպոկամպում, որը կարեւոր դեր ունի սնունդը կարգավորելու հարցում: Այսպես, մասնակիցները չեն զգացել հագեցվածություն մեկ ափսե բելգիական վաֆլի համտեսելուց հետո եւ չափից շատ են կերել:

Գիտափորձի մասնագետները նաեւ լավ հիշել են հաճույքը, որը ստացել են վնասակար ուտելիքից, այդ իսկ պատճառով նրանց մոտ առաջացել են այդպիսի ուտելիքից հրաժարվելու դժվարություններ: