Samsung-ը ներկայացրել է նոր ծալվող Galaxy Z Flip մոդելի սմարթֆոնը

Հարավկորեական բարձրտեխնոլոգիական տեխնիկա արտադրող Samsung ընկերությունը ներկայացնում է նոր ծալվող Galaxy Z Flip մոդելի սմարթֆոնը, շնորհանդեսի ժամանակ հայտնել է ընկերության մարքեթինգի բաժնի ղեկավար Ռեբեկա Հիրսթը, տեղեկացնում է ՌԻԱ Նովոստին։

Շնորհանդեսը անցկացվում է երեքշաբթի օրը Սան Ֆրանցիսկոյում եւ հեռարձակվում է ընկերության կայքում։

Սարքը ներկայացված է երեք գույներով՝ մանուշակագույն, սեւ, որոշ երկրներում՝ «հայելային ոսկեգույն»։ Սմարթֆոնի էկրանը 6,7 դյույմ է, ծալված վիճակում այն տեղավորվում է ափի կամ գրպանի մեջ։ Նշվում է, որ հեռախոսը կարելի է 200 000 անգամ ծալել եւ բացել։

Նոր մոդելի վաճառքը կսկսվի փետրվարի 14-ին, արժեքը կկազմի 1380 դոլար, հայտնել է ընկերությունը։

Ավելի վաղ նորույթի 30 վայրկյան տեւող գովազդը ցուցադրվել էր «Օսկար» 92-րդ մրցանակաբաշխության ժամանակ։