Հայտնի ինֆորմատորը ներկայացրել է կանանց երազանքի հեռախոսի արթ-կոնցեպտը

Համացանցում Ice Universe անունով հայտնի ինֆորմատորը բավական հաճախ է հրապարակում բջջային սարքերի ոլորտում նորույթների հետ կապված տեղեկատվություն։ Նա նաեւ ինքն է մշակում բջջային հեռախոսների արթ-կոնցեպտներ՝ մեկ ամբողջության մեջ միավորելով տարբեր շշուկներ, ենթադրություններ եւ արտահոսքեր, գրում է Planet Today-ը։

Ահա, այժմ նույնպես նա ներկայացրել է սմարթֆոնի հերթական արթ-կոնցեպտը, որը, նրա կարծիքով, շատ հարմար է կանանց համար։ Հետաքրքիր է, որ էկրանի բոլոր չորս անկյունները ծալված են, չէ՞ որ հենց այդպիսի դիզայներական կոնցեպցիայի մասին են խոսում որոշ արտադրող ընկերություններ։ Կարեւոր է նաեւ այն, որ դիմացի վահանակի վրա չկա նկարահանող խցիկ։ Ենթադրվում է՝ դա պայմանավորված է նրանով, որ այն աննկատելի տեղադրված կլինի էկրանի մակերեւույթի տակ։ Հենց այս ուղղությամբ են ներկայում աշխատում բջջային սարքեր արտադրողները։ Ավելին, նման նախատիպեր արդեն ներկայացվել են անցյալ տարի։

Հարկ է նաեւ նշել հիմնական խցիկի հետաքրքիր ձեւավորումը։ Այն տեղադրված է եռանկյունի բլոկում, ընդ որում՝ լուսադիոդային ֆլեշը տեղադրված է ավելի ներքեւ։

Կարեւոր է պարզաբանել, որ այս արթ-կոնցեպտը ավելի շատ այն տեսլականն է, թե որ ուղղությամբ առաջիկայում կշարժվի բջջային սարքերի ստեղծման ինդուստրիան կին օգտատերերի համար, քան թե ամփոփիչ մոդել։ Ի դեպ, նման մոդել կարող է եւ չհայտնվել։