Թուրքիայում վթարի է ենթարկվել զբոսաշրջիկներով ավտոբուսը. զոհվել է առնվազն 20 մարդ

Թուրքիայում զբոսաշրջիկներին տեղափոխող ավտոբուսը վթարի է ենթարկվել: Վերջին տվյալների համաձայն՝ զոհվել է 20 մարդ: Այս մասին հայտնում է «ՌԻԱ Նովոստի»-ն՝ վկայակոչելով Մուղլայի նահանգապետ Իմեր Չիչեքին:

Պատահարը տեղի է ունեցել Մարմարայի շրջանում՝ Մուղլա-Անթալիա մայրուղում: Հաղորդվում է, որ ավտոբուսի վարորդը լեռնային ճանապարհի վտանգավոր շրջադարձում կորցրել է մեքենայի կառավարումը, որի հետեւանքով մեքենան կողաշրջվել է: Մայրուղում երկկողմանի երթեւեկությունը դադարեցվել է:

Նախնական տեղեկություններով՝ վթարի հետեւանքով զոհվածները թուրք զբոսաշրջիկներ են:

Anneler Günü için yola çıkan tur midibüsü #Marmaris Sakar mevkiinde devrildi: 23 ölü... Muğla Büyükşehir Bel. Bşk Osman Gürün aktardı pic.twitter.com/LE6G6xTYXp

— Habertürk TV (@HaberturkTV) 13 мая 2017 г.