Գիտնականներն ալկոհոլային կախվածության դեմ պայքարի անսպասելի միջոց են առաջարկել

Կետամինի մեկ չափաբաժինը կարող է օգնել կրճատել ալկոհոլի քանակը: Նման եզրակացության են եկել Լոնդոնի համալսարանական քոլեջի գիտնականները:

MedicalXpress-ի կայքում ասվում է, որ փորձին մասնակցել է 90 մարդ: Նրանք շաբաթական 74 միավոր ալկոհոլ են օգտագործել, ինչը հավասար է մաքուր սպիրտի 740 գրամին, եւ որը 5 անգամ ավելի շատ է խորհուրդ տրվող շեմից: Փորձի մասնակիցներին գարեջուր են բաժանել: Կամավորները գնահատել են խմելու ցանկությունը, սպասվելիք հաճույքի մակարդակը, երբ նրանց ցույց են տվել ալկոհոլային տարբեր խմիչքների նկարներ:

Փորձի առաջին օրը մասնակիցներին թույլ են տվել գարեջուր խմել, իսկ երկրորդ օրը նրանց զրկել են խմիչքից: Հայտնի է, որ այդ ժամանակ ուղեղում պրոցեսներ են սկսվում, որոնք պարգեւատրման մասին հիշողություն են ձեւավորում: Սակայն երրորդ օրը կամավորներին կետամին են ներարկել, որն ազդում է պարգեւատրման համակարգի վրա՝ խոչընդոտելով երկարատեւ կախվածության ձեւավորմանը: 10-օրյա հետազոտության արդյունքները ցույց են տվել, որ միջոցը նվազեցրել է ալկոհոլ օգտագործելու ցանկությունը: Ընդ որում, մեկ ներարկման էֆեկտը փորձի ընթացքում պահպանվել է 9 ամիս: