15 տարվա աշխատանքի ընթացքում ալգորիթմները կվերացնեն մոտ 800 մլն աշխատատեղ

Bank of America Merrill Lynch-ը պատրաստել է ավտոմատացման սպառնալիքների նոր վերլուծություն։ Ստացված արդյունքները վախ են ներշնչում՝ ընդամենը 15 տարվա աշխատանքի ընթացքում ալգորիթմները կվերացնեն մոտ 800 մլն աշխատատեղ, նշում է HighTech+-ը։

Ամենամեծ կորուստները սպասվում են գրասենյակներում եւ ծառայությունների ոլորտում։ Սակայն խոցելի են նաեւ մյուս ոլորտները, չէ՞ որ ռոբոտները սովորում են ավելի ու ավելի շատ թվով խնդիրներ լուծել, նշում է Inverse-ը։

Աշխատատեղերի կորստի տեմպերը մեծանում են, առաջին հերթին ավտոմատացման վրա ծախսերի նվազման հաշվին։ 2005-2014թթ․ գներն ընկել են 27 տոկոսով, իսկ մինչեւ 2025թ․ կնվազեն եւս 22 տոկոսով։

Դա նշանակում է, որ ձեռքի աշխատանքով զբաղվող մարդկանց համար ավելի վատ է գլխավոր բնական արգելքը՝ դրա էժանությունը։

Ավտոմատացման ոլորտում առաջատար կարող է դառնալ Չինաստանը։ Վերլուծաբանները ակնկալում են, որ 2020թ․ Ամերիկայի հետ այդ երկրի առեւտրային պատերազմը կվերաճի սպառազինությունների տեխնիկական մրցավազքի։ Չինաստանը կփորձի դառնալ առաջատար այնպիսի ոլորտներում, ինչպիսին են քվանտային հաշվարկները, արհեստական բանականությունը, բջջային կապը, ռոբոտատեխնիկան եւ կիբեռանվտանգությունը։ Դա անպայման կանդրադառնա աշխատատեղերի ավտոմատացման վրա։