Առավոտյան ուտելուց առաջ մարզումները պաշտպանում են շաքարախտից
Առավոտյան ուտելուց առաջ մարզումները բարձրացնում են օրգանիզմի ինսուլինային արձագանքը՝ պաշտպանելով երկրորդ տիպի շաքարախտից, ասվում է պրոֆեսոր Ռոն Էդինբուրգի հետազոտության մեջ, հայտնում է HighTech+-ը։
«Ֆիզիկական վարժություններից առողջության համար օգուտի ավելացումը նվազեցնում է այնպիսի հիվանդությունների աճող տարածումը, ինչպիսին է երկրորդ տիպի շաքարախտը։ Մեր աշխատանքը ցույց է տալիս, որ ձեր առողջության համար ավելի լավ է նախ ոտքերը շարժել, այնուհետեւ՝ ծնոտները»,- ասում է Էդինբուրգը։
Հետազոտությանը մասնակցել է ճարպակալում ունեցող տղամարդկանց երկու խումբ։ Նրանք միանման ծանրաբեռնվածություն են ստացել՝ շաբաթական երեք անգամ 50-ական րոպե հեծանիվ են քշել։ Սակայն մի մասը դա արել է նախաճաշից առաջ, մյուս մասը՝ հետո։
Առաջին խմբում ինսուլինային արձագանքի ցուցանիշները լավացել են, այսինքն տղամարդկանց ավելի քիչ ինսուլին է պահանջվել, որպեսզի ուտելուց հետո արյան մեջ շաքարի ցուցանիշները նորմալանան։
Բացի այդ, տղամարդիկ, որոնք նախաճաշից առաջ են ֆիզիկական վարժություններով զբաղվել, նաեւ մոտ երկու անգամ ավելի շատ ճարպ են այրել վարժությունների ժամանակ։ Էդինբուրգը ենթադրում է, որ ճարպի այրման ավելացումը կարող է բացատրել, թե ինչու է այդ խումբը առողջության բարելավված ցուցանիշներ ունեցել։
Ընդ որում, Էդինբուրգը եւ նրա թիմն ընդգծում են, որ առավոտյան մարզումները չեն երաշխավորում, թե դուք ավելի շատ ավելորդ քաշ կկորցնեք։ Խումբը համոզիչ ապացույցներ չի գտել այն բանի, որ մարզումների այս կամ այն սխեման ավելի է նպաստում դրան։
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
Իրանում կոտրել են պետական հեռուստաալիքների հեռարձակումը․ էկրանին է հայտնվել Փահլավիի ուղերձը
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...