Բաքվում Իրանի դեսպանատունը աղմկահարույց հայտարարությամբ է հանդես եկել

Անցած շաբաթ haqqin.az կայքում մի հոդված էր հրապարակվել ReAl շարժման ղեկավարների գաղտնի բանակցությունների վերաբերյալ Ադրբեջանում Իրանի դիվանագիտական առաքելության ղեկավարի հետ, ինչպես նաեւ օտարերկրյա պետության հետախուզական ծառայության կողմից ֆինանսական աջակցություն ստանալու կասկածների վերաբերյալ։

Դրան հետեւեց Ադրբեջանի գլխավոր դատախազի հանձնարարականը՝ բազմակողմանի հետաքնություն իրականացնել տվյալ հոդվածում հրապարակված փաստերի կապակցությամբ։

Այսօր այդ հանդիպման մասին աղմկալի հայտարարությամբ է հանդես եկել Ադրբեջանում Իրանի դեսպանատունը։

«Մենք ականատեսն ենք դառնում որոշ մեդիակառույցներում շրջանակների, որոնք չեն ուզում ընդլանել Իրանի եւ Ադրբեջանի միջեւ հարաբերությունները։
Այս անգամ, ամբողջովին անհիմն, որոշ ԶԼՄ-ների թիրախ է դարձել Բաքվում Իրանի դեսպանատան ներկայացուցչի բաց հանդիպումը, որը նաեւ լիովին համապատասխանում էր դիվանագիտական գործունեությանը։

Հետաքրքրական է, որ ոչ այդ հանդիպումից առաջ, ոչ դրանից հետո մեդիակառույցները Բաքվում այլ երկրների դեսպանատների աշխատակիցների նմանատիպ հանդիպումներին չեն արձագանքել։

Իրանի դեսպանատունը իրավունք ունի իրավաբանական հետաքննություն անցկացնել դիվանագիտական գերատեսչության դեմ ուղղված կեղծ եւ մեղադրական հոդվածների կապակցությամբ։ Իրանի դեսպանատան կողմից անցկացված հանդիպումը չի հակասում Իրանի եւ Ադրբեջանի միջեւ բարեկամական հարաբերություններին։

Եզրափակելով, մեկ անգամ եւս ընդգծում ենք, որ բարեկամական եւ եղբայրական երկրներ հանդիսացող Իրանի եւ Ադրբեջանի միջեւ հարաբերությունները, երկու երկրների ղեկավարների կամքով, օր օրի ամրապնդվում են։ Այս առումով որեւէ երրորդ երկիր չի կարող դրան խանգարել»– ասվում է դեսպանատան հաղորդագրության մեջ։

Top-News.am

Այս թեմայով Իրանն ու Ադրբեջանը քննարկել են արագ ստեղծել տարանցիկ երթուղիներ