Սուրճը կարող է պաշտպանել սրտային հիվանդություններից, շաքարախտից եւ լյարդի դիսֆունկցիայից. հետազոտություն

Սուրճի հաճախակի օգտագործումը կարող է նվազեցնել սրտանոթային հիվանդությունների, շաքարախտի եւ լյարդի դիսֆունկցիայի զարգացման ռիսկը: Նման եզրակացության են եկել ԱՄՆ Բեյլորի բժշկական քոլեջի գիտնականները, հաղորդվում է գաստրոէնտերոլոգիայի ամերիկյան քոլեջի կայքում:

Հետազոտությանը մասնակցել է 34 մարդ: Նրանք սքրինինգային կոլոնոսկոպիա են անցել, որը նրանց մոտ օղաձեւ աղիքում պաթոլոգիական փոփոխություններ չի հայտնաբերել: Կամավորները նաեւ հայտնել են, որ հաճախ են սուրճ օգտագործում:

Մասնագետները պացիենտների աղիքների տարբեր հատվածներից լորձաթաղանթի նմուշներ են վերցրել եւ առանձնացրել միկրոօրգանիզմների ԴՆԹ-ն: Ապա ԴՆԹ-ն բազմապատկել ամպլիֆիկացիայի գործընթացում, այսինքն, առանձնացված գեների հավելյալ օրինակներ են ստեղծել, ինչը թեթեւացրել է դրանց նույնականացումը:

Lenta.ru-ի հաղորդմամբ՝ գիտնականները ԴՆԹ նուկլեոտիդային հաջորդականություն են հաստատել՝ սահմանելով դրանց պատկանելիությունը մանրէների տարբեր խմբերին: Ապա նրանք համեմատել են միկրոօրգանիզմների զանազանությունն ու այն, թե որքան հաճախ են տոքսինները հանդիպում բարձր (օրական ավելի քան 82,9 մգ) եւ ցածր (առնվազն 82,9 մգ) մակարդակով կոֆեին օգտագործելիս:

Պարզվել է, որ նրանց մոտ, ովքեր մեծ քանակությամբ սուրճ են օգտագործել, ալֆա բազմազանությունն ավելի բարձր է եղել, քան մյուսների մոտ: Առաջին խմբի մոտ մեծ է եղել Faecalibacterium եւ Roseburia-ի քանակը, իսկ պոտենցիալ վնասակար Erysipelatoclostridium եւ Lachnospiraceae-ի քանակը՝ ավելի քիչ: Այդ կապը նկատվել է անկախ տարիքից եւ սննդի որակից:

Նշենք, որ վերջերս Իլինոյսի համալսարանի գիտնականները կապ են հայտնաբերել սուրճի օգտագործման եւ ճարպակալման ու 2-րդ տիպի շաքարախտի զարգացման ցածր ռիսկի միջեւ: