Լե Պեն. «Ֆրանսիայի ղեկավարը կամ ես եմ լինելու, կամ՝ Մերկելը»

«Ազգային ճակատի» առաջնորդ Մարին Լե Պենը, չորեքշաբթի երեկոյան կայացած հեռուստաբանավեճի ընթացքում կարծիք է հայտնել, որ եթե ինքը չհաղթի նախագահական ընտրություններում, ապա Ֆրանսիան, ըստ էության, ղեկավարելու է Գերմանիայի կանցլեր Անգելա Մերկելը։

«Ինչ էլ լինի, Ֆրանսիան հետագայում կին է ղեկավարելու. դա կամ ես կլինեմ, կամ կլինի Անգելա Մերկելը»,– ասել է «Ազգային ճակատի» առաջնորդը, ով ավելի վաղ քննադատել էր Էմանուել Մակրոնին՝ որպես Եվրամիության հիմք՝ Ֆրանս–գերմանական միությունը ամրապնդելու մտադրության համար։

«Իրականությունն այն է, որ դուք արդեն այցելել եք տիկին Մերկելին եւ խնդրել նրա օրհնությունը, քանի որ դուք մտադիր չեք որեւէ բան ձեռնարկել առանց նրա համաձայնության»,– հայտարարել է Լե Պենը, ընդգծելով, որ ընտրություններում իր մրցակիցը «Եվրամիությանը կատարելապես ենթարկվելու» ուղին է բռնել։

Այս պնդմանը Էմանուել Մակրոնը հակադարձել է, որ՝ «բարեբախտաբար Ֆրանսիան միշտ էլ ունեցել է քաղաքական գործիչներ, ովքեր կարողացել են նայել դեպի ապագան։ Եւ Գեներալ Դե Գոլն ու կանցլեր Ադենհաուերը կարողացել են միասին աշխատել, եւ կառուցել են այդպիսով ներկայիս Եվրոպան»։

Top-News.am

Այս թեմայով Մակրոնը խոստովանել է, որ օգտագործում է արհեստական բանականություն Մակրոն. Ֆրանսիան ցանկանում է ՄԱԿ-ի Անվտանգության խորհրդում քննարկել Հորմուզի նեղուցում նավերի պաշտպանության հարցը Այս հարձակումը մեր ուժերի վրա անընդունելի է. Մակրոն Իրանում ռեժիմի փոփոխությունն անհնար է «միայն ռմբակոծությունների միջոցով» Մի քանի եվրոպացի գործընկերոջ առաջարկել եմ վերսկսել երկխոսությունը Ռուսաստանի հետ․ Մակրոն