Գլոբալ տաքացումը զգալիորեն կնվազեցնի աշխատանքի արտադրողականությունը
Կոնկորդիայի համալսարանի գիտնականների կարծիքով գլոբալ տաքացումը զգալիորեն կնվազեցնի աշխատանքի արտադրողականությունը, փոխանցում է HighTech+-ը:
Հետազոտողները վերլուծել են ջերմոցային գազերի արտանետումների, բարձր ջերմաստիճանների եւ աշխատանքի արտադրողականության նվազեցման միջեւ կապը: Պարզվել է, որ մարդածին CO2-ի յուրաքանչյուր տրիլիոն տոննան կես տոկոսով նվազեցնում է համաշխարհային ՀՆԱ-ն:
Հեղինակներն առավել խոցելի հատվածներին են դասում գյուղատնտեսությունը, լեռնահանքային արդյունաբերությունը, ինչպես նաեւ շինարարությունն ու արտադրությունը:
Հենց այս ճյուղերին է բաժին ընկնում արեւադարձային եւ մերձարեւադարձային զարգացող երկրների ՀՆԱ-ի 73 տոկոսը: Հաշվի առնելով, որ այստեղ կլիման արդեն իսկ բավականին տաք է, այս տարածաշրջանները մյուսներից արագ կզգան գլոբալ տաքացման բացասական ազդեցությունը: Կարեւոր է նաեւ այն, որ այս երկրները միջոցներ չունեն ենթակառուցվածքներ կառուցելու համար, որոնք անհրաժեշտ են ադապտացիայի համար:
Ըստ հետազոտության՝ կլիմայական ճգնաժամն ամենից ուժեղ կհարվածի Հարավարեւելյան Ասիայի երկրներին: Այստեղ աշխատանքի արտադրողականության կորուստը 9 անգամ ավելի բարձր կլինի, քանի եկամտի բարձր մակարդակով երկրներում:
Հեղինակները նշում են, որ համաշխարհային տնտեսությունը, հնարավոր է, արդեն հիմա տուժում է կլիմայական փոփոխությունների հետեւանքով: Նրանց գնահատմամբ՝ 1 աստիճանով ջերմաստիճանի գրանցված աճը կարող է հանգեցնել տնտեսական կորուստների՝ համաշխարհային ՀՆԱ-ի 2 տոկոսի չափով:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է