«Սանիթեքը» դիմելու է արբիտրաժ

Երևանի քաղաքապետարանը «Սանիթեք» ընկերություններին է փոխանցել ընդհանուր առմամբ 160 միլիոն դրամ՝ 2019-ի օգոստոս ամսվա երկրորդ կեսին մատուցած ծառայությունների դիմաց։ Այս մասին «Ֆեյսբուք»-ի իր էջում գրառում էր կատարել Երևանի քաղաքապետի մամուլի խոսնակ Հակոբ Կարապետյանը: «Հորդորում ենք «Սանիթեք» ընկերությունների ղեկավարությանը՝ այդ միջոցներն առաջնահերթ ուղղել սեփական աշխատակիցների նկատմամբ ունեցած աշխատավարձային պարտավորությունների կատարմանը»,- նշել էր նա:

168.am-ի հետ զրույցում «Սանիթեք» ըկերության մամուլի խոսնակ Քնարիկ Առաքելյանը հաստատեց փոխանցման մասին տեղեկությունը՝ մասնավորապես նշելով.

«Այո, «Սանիթեք» ընկերությանը քաղաքապետարանի կողմից, Կառավարության աշխատակազմի ներկայացուցիչների անմիջական միջամտությամբ, փոխանցվել է շուրջ 160 միլիոն դրամ: Երեկ արդեն մեկնարկել է օգոստոս ամսվա աշխատավարձների տրամադրման գործընթացը, որն այսօր կավարտվի: Արդյունքում բոլոր 930 աշխատակիցները կստանան իրենց օգոստոս ամսվա աշխատավարձը: Որոշակի պահում բնականաբար արել են, բայց այսքանով ֆինանսական պարտավորությունները վերջանում են՝ հաշվի առնելով, որ ս.թ. օգոստոսի 29-ից ընկերությունը ծառայություններ չի մատուցում»:

Ք. Առաքելայնը նաև տեղեկացրեց, որ ընկերությունը պատրաստվում է դիմել արբիտրաժային դատարան: