Լիոնում ՀՀ գլխավոր հյուպատոսի դրամական միջոցները

«Ժողովուրդը» գրում է. «Լիոնում ՀՀ գլխավոր հյուպատոս Նիկոլայ Սարկիսովը վերջապես ներկա­յացրել է ունեցվածքի և դրամական մի­ջոցների վերաբերյալ 2018 թվականի պաշտոնական հայտարարագիրը:

Ըստ այդմ՝ Սարկիսովը շարժական և ան­շարժ գույք չունի: Համենայնդեպս, այդպես նշված է նրա պաշտոնական հայ­տարարագրում: Սարկիսովի դրամա­կան միջոցները կազմում են 26 հազար դոլար, 39 հազար եվրո և 14 մլն 802 հազար ռուսական ռուբլի: Եկամտի մա­սին հյուպատոսի հայտարարագրում որևէ տվյալ ներկայացված չէ:

Ի դեպ, նրա հետ փոխկապակցված անձանց ու­նեցվածքի և դրամական միջոցների մասին հայտարարագրերը ևս բացա­կայում են: Ուշադրություն, խոսքը հա­յազգի գործարար Սարկիսովի մասին է, որի ընտանիքը ընդգրկված է Ռուսաս­տանի ամենահարուստների ցանկում: Լրատվամիջոցների տեղեկություննե­րով՝ նա 750 մլն դոլար կարողություն ունի:

Բայց դատելով հայտարարագրից՝ Սարկիսովի գործերը կարծես թե այդ­քան էլ լավ չեն:

Հիշեցնենք, որ Հայաս­տանի բարձրաստիճան պաշտոնա­տար անձանց էթիկայի հանձնաժողովը վարույթ էր հարուցել հյուպատոս Նիկոլայ Սարկիսովի նկատմամբ՝ հայտարա­րագիր չներկայացնելու համար»,-գրում է թերթը:

Մանրամասները՝ թերթի այսօրվա համարում: