Վա՞տ եմ արել, որ եկել եմ, ամեն դեպքում` ես ՀՀ ոստիկանապետն եմ, հարկ համարեցի այստեղ գտնվել. Վալերիյ Օսիպյան (տեսանյութ)

Հրդեհի ծավալը մեծ էր, հարկ համարեցի ինքս գտնվել այստեղ և ինքս գնահատել իրավիճակը:
Այս մասին «Մալաթիա մոլ»-ի մոտ լրագրողների հետ զրույցում ասաց ՀՀ ոստիկանության պետ Վալերիյ Օսիպյանը:

Տեղում ծառայող ոստիկաններին Վալերիյ Օսիպյանը մի քանի հրահանգներ տվեց:
Հարցին, թե ի՞նչն է պատճառը, որ ոստիկանապետն է այցելել, Վալերիյ Օսիպյանն ասաց. «Հարգելիս, վա՞տ եմ արել, որ եկել եմ: Աշխատասենյակում եմ եղել, տեսել եմ, որ հրդեհի ծավալը մեծ է, տարածվում է, շատ մարդ կա հավաքված… Ամեն դեպքում` ես ՀՀ ոստիկանապետն եմ, հարկ եմ համարել այստեղ գտնվել, ինքս գնահատել իրավիճակը և ինչո՞ւ չէ, ղեկավարել նաև այն մասով, որը վերաբերում է ոստիկանությանը, այլ բան չեմ կարող ասել»:

Հիշեցնենք,որ այսօր խոշոր հրդեհ է բռնկվել Մալաթիա վարչական շրջանում գտնվող կենցաղային իրերի «Վեգա» խանութի պահեստային մասում։ Կեսօրին բռնկված հրդեհը դեռ չի հաջողվել մեկուսացնել:

Դեպքի վայրում հրդեհաշիջման աշխատանքներին մասնակցում են 19 մարտական հաշվարկ, երկու ավտոսանդուղք, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը, ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը, ինչպես նաև հոգեբանական աջակցության բաժնի հոգեբանական խորհրդատվության գծով հրահանգիչը:

Այս թեմայով «Պրծնենք, սաղիդ տանելու եմ «Փարվանա», պատիվ տամ». Սամվել Ալեքսանյանը հրդեհի վայրում է (տեսանյութ) «Մալաթիա մոլի» շենքում հրդեհաշիջման աշխատանքները շարունակվում են (ուղիղ) Մալաթիայի հրդեհից թունաբանական բաժին տեղափոխվածները շուտով դուրս կգրվեն «Մալաթիա մոլ»-ում հրդեհը շարունակվում է, ԱԻՆ-ը լրացուցիչ ուժեր է տանում. ուղիղ Եթե հրշեջ մեքենաները շուտ եկած լինեին, սենց չէր լինի. սկզբից միայն 4 մեքենա էր եկել. Սամվել Ալեքսանյանը՝ ոստիկանապետին